Ավարտվեց մեղրեցիների եռօրյա ճամփորդությամբ հյուրընկալությունը «Մխիթար Սեբաստացի» կրթահամալիրում, ովքեր նոյեմբերի 14-17-ը մասնակցեցին, Հարիսայի ծեսին, «Կարդում ենք իրանական պոեզիա-Շահնամե» նախագծին և դրա ամփոփիչ փուլին:
Խումբը, Կրթահամալիրում անցկացրած երեք օրերի ընթացքում, մասնակցեց մի շարք ծրագրային նախագծերի. պարսկերենի ընտրությամբ գործունեության խմբի հետ միասին նրանց ծանոթացրինք կրթահամալիրի հետ՝ քայլքով Մայր դպրոցից սարալանջով դեպի Հյուսիսային դպրոց, եղանք քանդակի դպրոցում: Հյուրերը ծանոթացան նաև մեր ուսումնական նոր միջավայրին՝ կրթական օբյեկտի տանիքին և նկուղին:
Կրթահամալիրը լավ ճանաչելու լավագույն միջոցներից է նրա կյանքով և առօրյայով ապրելը, ուստի մենք նրանց այդպիսի հնարավորություն ընձեռեցինք. նրանք մասնակցեցին պարերգերի ուսուցմանը, ունեցան մարզական պարապմունքներ:
Հյուրընկալության երկրորդ օրը Սուրբ Երրորդություն եկեղեցու ժամերգությունից հետո հյուրերը շրջեցին Մայր դպրոցում, ծանոթացան տարածքին, սպորտաձևերին, «Խաղողի և գինու» դպրոցում: Մեղրիում գործող պարսկերենի խմբի սովորողները եղան նաև բրուտանոցում, ջերմոց-լաբորատորիայում, այցելեցին նաև Ագարակ:
Մեղրեցիները մասնակցեցին նաև Մեդիաուրբաթ-համերգին, իսկ դրանից հետո տեղի ունեցավ հանդիպում-զրույց կրթահամալիրի տնօրենի հետ, որի ընթացքում հյուրերն արտահայտեցին իրենց տպավորությունները և հետագա համագործակցության զարգացումները:
Հյուրընկալության երրորդ օրը մեր հյուրերը հնարավորություն ունեցան մասնակից դառնալ մեր կրթահամալիրի հերթական ավանդական ծեսերից մեկին՝ Հարիսայի ծեսին: Իսկ դրանից անմիջապես հետո պարսկերենի ընտրության խմբի հետ միասին այցելեցինք Խնկո Ապոր անվան ազգային մանկական գրադարան՝ մասնակցելու «Պարսից պոեզիայի փառատոնի ամփոփմանը» և բարձր տրամադրությամբ ու հաճելի տպավորություններով ավարտեցին իրենց ճամփորդություն-հյուրընկալությունը «Մխիթար Սեբաստացի» կրթահամալիրում:
Դիանա Նազարյան 